- ఏదో సాధించాలన్న తపన మనసు లోతుల్లో జ్వలించకపోతే దేహం నిర్జీవమైపోతుంది. కాంక్ష మనసుకూ, శరీరానికీ జీవశక్తినిస్తుంది. కాంక్షే ఆవిరైపోతే అన్ని శక్తులు హరించుకుపోతాయి.
- మనలోని శక్తికేంద్రం నుండి ఉద్భవించే శక్తిని ఏ పనులకై వినియొగిసున్నామన్న దాన్నిబట్టే ఈ క్షణం మనం ఉన్నాం.
- మనలో ఏదైనా శూన్యత,అసంతృప్తి ఏర్పడితే దాన్ని వెంటనే గుర్తించి వీలైనంత త్వరగా చక్కని లక్ష్యాన్ని నిర్దేశించకపోతే మానసికంగా వ్యాకులత ఆవరిస్తుంది.
- ఏదో ఒక లక్ష్యం నిరంతరం మనల్ని నడిపిస్తూనే ఉంటుంది. లక్ష్యం నిర్దేశించకపోవడం తెలియకపోతే లోపల ఉండే అగ్ని..కోరికలుగా పరివర్తన చెందుతుంది.
- వాదనల్లో ఓడిపొయినంత మాత్రాన సత్యాలు అసత్యాలైపోవు.
- బుద్ధిచేసే తార్కిక విశ్లేషణల జల్లెడకు దొరకని అంశాలెన్నో మనసుని తాకుతునే ఉంటాయి.
- మితిమీరిన తర్కం అహాన్ని పెంచుతుంది.
- దేన్నయినా మూర్ఖంగా వాదించే తత్వం వదిలేయాలి. లేదంటే అందరూ మనల్ని అంగీకరిస్తున్నట్లు భ్రమింపజేస్తునే మనల్ని తమ పరిధి నుండి బహిష్కరిస్తుంటారు.
- మన లక్ష్యాలు ఉన్నతమైనవి. కానీ వాటిని సాధించడానికి అనుసరించే మార్గాలోనే లోపమంతా.
- ఎంత గొప్ప లక్ష్యమైనా నిజాయితీ,స్వచ్చత లేకుండా సాకారమైతే అపరాధభావానికి గురిచేస్తుంది.
- మనం సరిగ్గా ఎదగలేకపోతున్నామంటే అది మన తప్పు తప్ప ఎదుట వ్యక్తి మనపై ఏదో కుట్ర చేస్తున్నారని ద్వేషం పెంచుకోవడం అర్ధరహితం.
- లక్ష్య సాధన అనేది ఎలాగైనా పూర్తిచేయొచ్చు..కాని వినమ్రంతో కూడిన విజయం, ఎవరిని గాయపరచకుండా, నొప్పించ కుండా సాకారమైన లక్ష్యం మన జీవితానికి అర్ధాన్నిస్తుంది.
(కంప్యూటర్ ఎరా సౌజన్యంతో,శ్రీధర్ గారి అంగీకారంతో వారి సంపాదకీయాల నుండి సేకరించినవి)
- అలుపెరుగని పోరాట యోధునిదే అంతిమ విజయం.
- చదువు క్రమశిక్షణనను అలవరుస్తుంది. చూపును విశాలం చేస్తుంది.చదువుకున్న పౌరులు లేకుండా ఏ దేశమూ అభివృద్ధి చెందలేదు. కట్లు తెంపుకోవడానికి కత్తిలాంటి ఆయుధం చదువొక్కటే.
- నీకివ్వలసిన గౌరవం ఇస్తునే నా హక్కుల కోసం నీతో పోరాడతాను.
- ఊచలకు ఇటు మేము ఉన్నాం,అటు మీరు ఉన్నారు.అంతే తేడా. అందరం ఒక్కటే.అన్యాయం అని తోచినప్పుడు మన ఆగ్రహాలలో మాత్రం ఎందుకు ఎక్కువ తక్కువలుండాలి?
- నువ్వు మంచివాడివే కానీ,తప్పని పరిస్థితులలో చెడ్డవాడివి కాబడుతున్నావు. ఆ విషయం నాకు అర్ధమైంది.
- ప్రత్యర్దిని అగౌరవపరచకుండానే నేనతడినీ ఓడించగలనని అర్ధమైంది.
- జీవితాన్ని మీరెంతగా ప్రేమించారో నేనూ అంతే ప్రేమించాను.స్వేచ్చగా జీవించాలన్న మీ హక్కు,నా హక్కు వేర్వేరు కాదు. మన హక్కుల్ని విక్రయించేందుకు తెల్లజాతి ప్రభుత్వానికి నేనెలాంటి వాగ్దానం చెయ్యలేను.
- సత్యం,స్వచ్చత,స్వార్ధ రహిత ఆలోచనలను కలిగినవారు..తమను ప్రపంచమంత వ్యతిరేకించినా భయపడాలిసిన అవసరం లేదు.
- మహిళాభ్యుదయానికి కృషి చేయకుండానే దేశాన్ని, ప్రపంచాన్ని బాగుపర్చడం అనేది అసాధ్యమైన పని,ఏ మాత్రం అవకాశం లేని పని.
- ఉల్లాసంగా ఉండే మెదడు ఒక విషయంపై స్థిరమైన అభిప్రాయానికి రావడానికి సాయపడుతుంది.తెలివి తేటలున్నప్పటికీ కొన్ని బంధనాల మధ్య కట్టడి చేసుకొన్న మెదడు వేయి రకాల డిఫికల్టిస్ ను సృష్టిస్తుంది.
- పరిపూర్ణత అనేది నమ్మకంతోనో, వ్యక్తిగత విశ్వాసాలతోనో వచ్చేది కాదు. నిస్వార్ధంగా కష్టపడటం, ఒళ్లు దాచుకోక శ్రమించడం ద్వారానే అది సాధ్యమవుతుంది.
- విశ్వం,దేవుడు....రెండూ వేరు వేరు కాదు.ప్రపంచమే ఒక భగవత్స్వరూపం.సృష్టికారుడి మాయ. ఆ అద్భుత స్వరూపాన్నే మనం ప్రపంచంగా పిలుచుకొంటున్నాం.
- నీ గురించి నువ్వు లోపల అనుకున్నంతగా బయటికి చెప్పుకోకు.
- డబ్బుగాని, విజయంగాని మానవాళి మనుగడకు, శాంతిసామరస్యాలకు ఉపయోగపడాలి.
- ఆశలేని ప్రాణి అణగారిపోతుంది. ఆశ చంపుకోవడం ఆత్మహత్య.
- ఉక్కు మనిషి ఎవడో, ఊకమూట ఎవడో కష్ట కాలమందే స్పష్టపడును. ఉత్త వేళలందు ఉత్తములందురు.
- అవిటివానికేల అభినయశాస్త్రం? చెవిటి వానికేల కవులగోష్టి?
- ప్రశ్న ప్రగతికి మూలం.
- అస్పృశ్యులని మనం అందరిని దూరం నెడితే మనల్ని వెనక్కి నెట్టి ప్రపంచం ముందుకు పోతుంది.
- ప్రశ్నలేని జగత్తు ప్రశ్నార్ధకం.
- మోకరిల్లి బతకడం కన్నా,మన కాళ్లపై మనం నిలబడి మరణించడమే మేలు.
- నువ్వు నాకు తల్లినిస్తే ....నేను నీకు మంచి దేశాన్నిస్తాను.
- యుద్ధం అనేది అనాగరికులు చేసే వ్యాపారం.
- ప్రతి నిముషాన్ని వ్యర్ధం చేయక వినియోగించుకో, లేకుంటే నీవు వృధా పుచ్చిన కాలం భవిష్యత్తులో నీ అదృష్టాన్ని తారుమారు చేస్తుంది.
- నాయకుడంటే ఒక ఆశాసౌధం లాంటివాడు.
- ప్రపంచంలో మేధావులందరి కన్నా ఒక మంచి హృదయం గల వ్యక్తి ఎంతో గొప్పవాడు.
- నన్ను కాలం తప్ప మరేదైనా అడుగు, అదొక్కటే నా చేతిలో లేదు.
- మనము నిరుపేదగా ఉండడానికి భగవంతుడు కారణం కాదు, మనమే కారణం. మొదట నిజమైన కారణాన్ని తెలుసుకుందాము. తరువాత దీపం వెలిగించి పెట్టి భాద్యత కొరకు అగ్గిపుల్లను వెతుకుదాము.
- ఒక్క కాలం తప్ప మరేదైనా మన చేతిలోనే ఉంటుంది.
- వెయ్యి తుపాకుల కంటే వ్యతిరేకించే నాలుగు వార్తాపత్రికలకు భయపడాలి.
- అవకాశం రానప్పుడు, అవకాశాన్ని సృష్తించుకోలేనప్పుడు ఎంత సమర్ధత ఉన్నా నిష్ప్రయోజనమే.
