Katrina Kaif
- ప్రపంచంలోని ఏ మనిషైనా సంతోషాన్ని కోరుకుంటాడు తప్ప, దుఃఖాన్ని కోరుకోడు. అయితే, వర్షపు చినుకు లేకుండా ఇంద్రధనుస్సు రానట్టే, కష్టాలు పడకుండా సంతోషం ఎప్పుడూ దొరకదు!
- నీ సమస్యను బయటికి చెప్పుకునేటప్పుడు కొంచెం జాగ్రత్తగా ఉండటం అవసరం. ఎందుకంటే కొంతమంది మాత్రమే నీ పట్ల సానుభూతి చూపించి, సాయం చేస్తారు. మిగతావారంతా నువ్వు చెప్పేదాన్ని చిలువలు పలువలు చేసి పుకార్లుగా ప్రచారం చేస్తారు!
- కన్నీరు చాలా విలువైనది. ఎందుకంటే... కన్నీటి బిందువులో కేవలం ఒక్క శాతం మాత్రమే నీరు ఉంటుంది. మిగతా తొంభై తొమ్మిది శాతం ఫీలింగ్సే!
- మనిషి జీవితం విచిత్రమైనది. యవ్వనంలో సమయం, శక్తి ఉంటాయి కానీ డబ్బు ఉండదు. మధ్యవయసులో అయితే డబ్బు, శక్తి ఉంటాయి కానీ సమయం ఉండదు. వృద్ధాప్యంలో సమయం, డబ్బు ఉన్నా కష్టపడే శక్తి ఉండదు.
- మనుషులు మారిపోతారు. ఫీలింగ్స్ తగ్గిపోతాయి. హృదయం ముక్కలైపోతుంది. స్నేహితులు విడిచిపెట్టి పోతారు. కావలసినవాళ్లు శత్రువులుగా మారిపోతారు. ప్రేమికులు పరాయివాళ్లు అయిపోతారు. ఇన్ని జరిగినా... జీవితం మాత్రం సాగిపోతూనే ఉంటుంది!
- నిజమైన ప్రేమ అంటే... ఒకరి కోసం ఒకరు చనిపోయిన రోమియో జూలియెట్‌లది కాదు. ఒకరి కోసం ఒకరు బతికిన మన అమ్మమ్మ తాతయ్యదీ, నాన్నమ్మ తాతయ్యదీను!
- ఒక మనిషి నిన్ను ద్వేషించడానికి ఈ మూడింటిలో ఏదో ఒక కారణం తప్పక ఉంటుంది... నీలాగా ఉండాలని అనుకోవటం, తనను తాను అసహ్యించుకోవటం, వాళ్లకు మనవల్ల ముప్పు ఉందని అనిపించడం!
-సేకరణ: అనూష
