- కలలు కనండి వాటిని సాకారం చేసుకోండి.
- మనం కేవలం విజయాల మీంచే పైకి రాలేము. అపజయాల మీంచి కూడా ఎదగడం నేర్చుకోవాలి.
- నీ ధ్యేయంలో నువ్వు నెగ్గాలంటే నీకు ఏకాగ్రచిత్తంతో కూడిన అంకితభావం ఉండాలి.
- మనిషికి కష్టలెందుకు కావాలంటే అవే అతనికి విజయాన్నిఆనందించే మనస్థితినిస్తాయి.
- మనుషులు రకరకాల శక్తి సదుపాయాలతో జన్మిస్తారు. తొందరగా శక్తిని ఖర్చు చేసుకుని అలసిపోయినవాడికే అందరికన్నా ముందుగా బలాన్ని పుంజుకునే అవకాశం చిక్కుతుంది.
- మనమందరమూ మనలో ఒక పరమజ్ఞానాన్ని మోసుకు తిరుగుతున్నాం. మన గహనాతి గహనమైన ఆలోచనల్నీ,ఆకాక్షల్నీ,నమ్మకాల్ని పరీక్షించుకోవడానికి దాన్ని ఉత్తేజిత పరుద్దాం.
- శక్తివంతుడైన మనిషికీ, తత్తరపాటు మనిషికీ తేడా వాళ్లు వాళ్ల అనుభావాల్ని అందుకొనే తీరులో ఉంది.
- విజయవంతులైన స్త్రీ పురుషులందరికీ పూర్తి అంకితభావమనేది ఉమ్మడి ధర్మం.
- నీకో లక్ష్యముండటమే కాదు దాన్ని ఎంత త్వరగా వీలైతే అంత త్వరగా సాధించుకునే వ్యూహ నైపుణ్యం కూడా ఉండాలి.
- పూర్తి అంకితభావమంటే పూర్తిగా కష్టపడటం కాదు. అది పూర్తిగా నిమగ్నమవడం.
- ఒక సంక్షోభాన్ని ఎదుర్కొనే క్రమంలోనే మన ప్రతిభ మనకు తెలిసేది.
- ఒక నాయకుడు తనచుట్టూ ఏమి జరుగుతుందో తెలుసుకోగలిగినప్పుడే తన బృందాన్ని స్వేచ్చగా నడిపించగలడు.నాయకత్వమంటే నిరంతర అభ్యసనమే.
- మనని అణచడానికి చూస్తున్నప్రతికూల శక్తుల్ని మనం ఎదిరించి నిలవగలం. మన వ్యక్తిగత స్వాతంత్ర్యాన్ని పెంపొందించే గుణాల్తో, పరిస్థితులతో మనం మనని బలోపేతుల్ని చేసుకోగలం. బలపర్చుకోవడం ద్వారా మనం అపూర్వమైన విజయాల్ని సాధించగలం.
- నా ఉద్దేశ్యంలో ప్రాజక్టు నాయకుడెప్పుడు తన వ్యవస్థల్లో అప్పటికే నిరుపితమైన పరిజ్ఞానంతోనే పని చెయ్యాలి. బహుళ వనరులున్నప్పుడే ప్రయోగాలకి పూనుకోవాలి.
- సైన్స్ స్వభావరీత్యా పరిశోధక శీలి. దాని తలుపులెప్పుడూ తెరిచే ఉంటాయి. సాంకేతికాభివృద్ధి అనేది ఒక మూసిన మడత. సాంకేతికాభివృద్ధిలో పొరపాట్లనేవి తప్పనిసరి. అవి రోజూ జరుగుతుంటాయి.
- ఏదైనా ప్రణాళిక బాధ్యతలు చేపట్టినవారు అనుకున్నది సాధించాలంటే స్వాతంత్ర్యం, తగినన్ని అధికారాలు, ప్రాబల్యం ఉండి తీరాలి. ఇది వ్యక్తిగత ఆనందానికి కూడా వర్తిస్తుంది.
- వ్యక్తిగత సంతోషానికి రాచమార్గమేమిటంటే నిన్ను నిర్దేశిస్తున్న శక్తులకీ నీ నిర్దేశలతో సహకరించడమే. చురుగ్గా ఉండు. బాధ్యత తీసుకో,నువ్వు నమ్మిన వాటి కోసం కృషి చెయ్యి. అలా చెయ్యడం లేదంటే నీ విధిని ఎవరికో అప్పగిస్తున్నావన్నమాటే.
- బృంద నాయకత్వం వహించే వారిలో తరచూ రెండు రకాల ధోరణులు కానవస్తాయి. కొందరికి పని ముఖ్యం. కొందరికి పనికన్నా తమ సహచరులు ముఖ్యం. చాలామంది ఈ రెండు దృక్పథాల మధ్యలో ఎక్కడో ఒక చోట ఉంటారు.
- ఒక సారి నీ మనసు ఒక స్థాయిలో ఆలోచించడం మొదలయ్యాక తిరిగి పాత ప్రమాణల్లో ఆలోచించడం ఇంకెంత మాత్రం సాధ్యం కాదు.
- ఇంతవరకు నేను ఆకాశమే సరిహద్దు అనుకున్నాను...కానీ ఇప్పుడర్ధమయ్యింది హద్దులు చాలా దగ్గరగానే ఉన్నాయని..జీవితాన్ని శాసించే సరిహద్దులున్నాయి. 'నువ్వింత బరువే మోయగలవు', 'నువ్వింత త్వరగానే నేర్వగలవు', 'నువ్వింత కష్టమే పడగలవు', 'నువ్వింత దూరమే పోగలవు' అంటూ.
- ప్రార్ధనల ముఖ్య ధర్మం మనలోని సృజనాత్మక భావాల్ని మేల్కొల్పడమని నేననుకుంటాను.
- జయప్రదమైన జీవితాన్ని జీవించడనికి అవసరమైందంతా మనిషి మనసులోనే ఉంది.
- మనిషి తన చైతన్యంలో ఉన్న ఆలోచనలకి ఎదగడానికీ,రూపం దిద్దుకోవడానికీ అవకాశమిస్తే అవి విజయాలకి దారి తియ్యగలవు.
- మన సృష్టికర్త మన మనసుల్లో,వ్యాక్తిత్వల్లో అపారమైన శక్తిసామర్ధ్యాల్ని నిక్షిప్తం చేసాడు. వాటిని తరచి వెలికి తీసి వృద్ధి చెందించుకోవడానికి ప్రార్ధన సహకరిస్తుంది.
- నువ్వొక మనిషిని అవమానిస్తూ అతన్నించి ఫలితాలు రాబట్టుకోలేవు. అతన్ని ద్వేషిస్తూ,దూషిస్తూ అతనిలోని సృజనాత్మకతను వెలికి తియ్యలేవు.
- ధృడంగా ఉండటానికీ,మోటుగా ఉండడానికీ,పఠిష్టమైన నాయకత్వానికీ, పెత్తనం చెయ్యడానికి, క్రమశిక్షణకీ తప్పులు పట్టడానికీ మధ్య విభజన రేఖ చాలా సున్నితం. కానీ దాన్ని గుర్తించవలసిందే.
- దురదృష్టవశాత్తూ నేడు మన దేశంలో ప్రముఖంగా గీయబడ్డ ఏకైక విభజన రేఖ హీరోల్ని జీరోల్ని వేరు చేసేది మాత్రమే. ఒక వైపు కొన్ని వందల మంది హీరోలు మరొకవైపు తొంభై అయిదుకోట్ల మంది ప్రజల్ని తొక్కిపెడుతుంటే ఈ పరిస్థితి మారాలి.
- హృదయాలతో పనిచెయ్యని వాళ్ళ విజయం బోలుగా ఉండటమే కాక అది తన చుట్టూ వెగటుతనాన్నే వ్యాపింప చేస్తుంది. నువ్వు డాక్తర్ వో లాయర్ వో కావాలని రహస్యంగా తపిస్తూ పైకి మాత్రం రచయితగా రచనలు చేస్తున్నావనుకో నీ అక్షరాలు నీ పాఠకుల ఆకలిని సగమే తీర్చ గలుగుతాయి. నువ్వు ఒక వ్యాపారివి కాలేక ఒక ఉపాధ్యాయుడివి అయ్యావనుకో నీ పాఠాలు నీ విద్యార్ధుల జ్ఞానతృష్ణని సగమే తృప్తి పరచగలుగుతాయి. నువ్వు సైన్స్ ను ద్వేషిస్తూ ఒక సైంటిస్టుగా పనిచెయ్యవలసి వచ్చిందనుకో నీ కృషి నీ లక్ష్యాన్ని సగమే నెరవేరుస్తుంది.
- నీ లక్ష్యాల్నీ, నీ స్వప్నాల్నీ సాధించుకోవడానికి, సహకరించుకోవడానికి దేవుడి రాజ్యం నీలోనే ఈ శక్తి రూపంలో ఉందని నేను నిశ్చయంగా చెప్పగలను.
- ఒక నాయకుడు ఏ మేరకు సమర్ధుడు? తన సహచరుల కన్నా, వాళ్ల నిబద్ధత,భాగస్వామ్యాలకన్నా మించి మాత్రం కాదు.
- సమస్యల్ని ఎదుర్కొని వాటిని పరిష్కరించాల్సిన ప్రక్రియ ఎంతో శ్రమ పెట్టడమే కాక బాధని కూడా కలిగిస్తుంది.కనుక మనం ఆ పరిష్కారాన్ని నిరవధికంగా వాయిదా వేస్తుంటం. విజయం నుంచి వైఫల్యాన్ని వేరు చెయ్యగలిగేది సమస్యలే. అవి మన లోపల దాగివున్న సాహసాన్ని,వివేకాన్ని బయటకు తెస్తాయి.
- నాకు తెలిసిందల్లా నేను నా లక్ష్యం పట్ల జాగరుకుడిగా దృష్టి కేంద్రికరించి ఉండాలని మాత్రమే.
- భారతీయ అంతరిక్ష కార్యక్రమ ప్రయాణం యథార్ధంగా మొదలయ్యింది రోహిణీ ప్రయోగంతోనే.
- విజయాన్ని సాధించాలనే లక్ష్యం నీకు ఉన్నప్పుడు.. ఆ లక్ష్యం పై పూర్తి ఏకాగ్రత సారించు.. నీ లక్ష్యం నెరవేరుతుంది.
- ప్రతి శిశువూ కొన్ని సహజ లక్షణాలతో ఒక నిర్దిష్ఠ సాంఘిక ఆర్ధిక భావావేశ వాతావరణంలో జన్మిస్తాడు.
- నాకు తెలిసినంత వరకూ భూమి అత్యంత శక్తివంతమైన గతిశీల గ్రహం.
- కొంతమంది మనుషులు సైన్స్ అనేది వేరే ఒక అంశమనట్టుగా, అది మనిషిని భావంతుడినుంచి దూరం చేస్తుందన్నట్టుగా ఎందుకు మాట్లాడుతారో నాకర్ధం కాదు. విజ్ఞాన శాస్త్ర పథం మానవ హృదయ వీధుల్లోంచి సాగి పోయేదే. నాకయితే సైన్స్ ఎప్పుడూ ఆధ్యాత్మిక ఉన్నతికీ, ఆత్మ సాక్షాత్కారానికి మార్గంగేన్ ఉంటూ వచ్చింది.
- ఆత్మాభిమానం అన్నది ఆత్మవిశ్వాసంతోనే వస్తుందన్నది మనం ఎందుకు అర్ధం చేసుకోము?
- స్థిరంగా కనిపించే ప్రతిదానిలోనూ ఒక తీవ్ర చలనం నిబిడికృతమై ఉంటుంది.
- తరగతిగదిలో నేర్చుకున్న సూత్రాన్ని వాడుకలో పెట్టి తెలుసుకోవడం విచిత్రమైన ఉద్వేగాన్ని కలగచేస్తుంది. అది అపరిచితుల నడుమ నీ పాత మిత్రుడిని పసిగట్టడం లాంటిది.
- సంక్షోభం నుంచి,వేధన నుంచి, విషాదం నుంచి, వైఫల్యం నుంచి మనిషిని లేవనెత్తి అతన్ని సరైన మార్గానికి చేర్చే ఒక దివ్య శక్తి వుందని మనస్ఫూర్తిగా నమ్మాను.
- మనిషి తన భౌతిక మానసిక బంధాలనుంచి బయట పడినపుడే అతడు స్వేఛ్ఛ, ఆనందం, మానసిక శాంతి దిశగా ప్రయణించగలడని తెలుసుకున్నాను.
- అంతగా నిశితంగా చూడనివారికి మనం సుందరంగా ఆకర్షణీయంగా కనిపించవచ్చు . కానీ విమర్శనాత్మకంగా చూడగలిగిన వారికి మనం మన వివిధ రకాల నాయకుల వికృత అనుకరణలుగానే కనిపిస్తాం.
- జీవితం ఒక కఠినమైన ఆట. కేవలం ఒక వ్యక్తిగా నీ జన్మహక్కును నిలబెట్టుకున్నపుడు మాత్రామే దాన్ని నువ్వు గెలవగలవు.
- భారతదేశంలో మనం చదివేది కేవలం చావు,అనారోగ్యం, తీవ్రవాదం,నేరాల గురించే.
- సమస్యలు నిన్ను ఆదేశించుటకు అనుమతించకు.
- మనమందరం మనలో ఒక దివ్యాగ్నితో జన్మించాం. మన ప్రయత్నాలెప్పుడూ ఆ అగ్నికి రెక్కలిచ్చేలా ఉండాలి.తద్వారా ఈ ప్రపంచమంతా సత్ప్రకాశంతో వెలుగు పొందాలి.
- ఆదరంగా సాహసంగా సత్యంగా క్షణ క్షణం సుదీర్ఘ దినాంత వేళ దాకా పనిచేసే హస్తాలే సుందరాలు.
- ఏ మతము ఇతరులను చంపమని ఆదేశించలేదు, దాని యొక్క ఆవశ్యకత సంరక్షణ లేక ఎదుగుదల కోసమే.
- మనిషి అవసరాలు అతని యొక్క సమస్యలు, ఎందుకంటే అవి విజయాన్ని ఆనందించేదుకు అత్యావశ్యకం గనుక.
- మనస్పూర్తిగా పనిచేయని వారు జీవితంలో విజయాన్ని సాధించలేరు.
- విజ్ఞానం పునాది లేని ఇంటిని సైతం నిలబెడుతుంది. కాని అజ్ఞానం ఎంతో దృఢంగా కట్టిన ఇంటిని కూడా పడగొడుతుంది.
నువ్వెప్పుడూ జ్ఞానమనే సముద్రంలో ముత్యంలా మెరవాలి. - {పతి ఒక్కరూ అందంగానే పుడతారు. కాని కొందరు తమను వికృతంగా మార్చే అవకాశాన్ని ప్రపంచానికి ఇస్తూ ఉంటారు.
- మీరు దేనినైనా కోరుకుంటే దాన్ని పొందేవరకు మీ ప్రయత్నాన్ని ఆపవద్దు. ఎదురుచూడటం కష్టంగానే ఉంటుంది, కాని దాన్ని పొందలేక పోయినప్పుడు కలిగే బాధను భరించటం మరింత కష్టంగా ఉంటుంది.
- బాధ కలిగినప్పుడు కన్నీటిని వదిలే బదులు ఆ కన్నీటికి కారణమైనవారిని వదిలేయటం ఉత్తమం.
- మీ అపజయాల్ని తప్పటడుగులని ఎప్పుడూ అనుకోకండి. అవి తప్పులు కావు. భవిష్యత్తులో మీరేం చేయకూడదో తెలిపే పాఠాలు.
Tuesday, November 01, 2011
APJ Abdul Kalam
Subscribe to:
Post Comments (Atom)
Excellent Collection....Good Job.
ReplyDelete